Տարբեր համայնքների երեխաները, հանդիպելով իրար, կիսվել են առաջիկայում նախատեսած իրենց դպրոցական ծրագրերով, յուրաքանչյուրը ներկայացրել է օրվա համար պատրաստած իր միջոցառումը, ինչը ուղեկցվել է երգով ու պարով: Միջոցառմանը մասնակցել է նաեւ Կապանի Սբ Մեսրոպ Մաշտոց եկեղեցու քահանա Տեր Շիրակ Խանոյանը, ով երեխաներին մեկ անգամ եւս ներկայացրել է Սբ Զատիկի խորհուրդը եւ օրհնել նրանց:
«Վորլդ Վիժն»-ի կողմից երեխաներին բաժանվեցին ներկած ձվեր, քաղացրավենիքր: Երեխաների տեղափոխությունը եւ սննդի կազմակերպումն իրականացրել է «Վորլդ Վիժն»-ը: Նմանատիպ միջոցառում կազմակերպությունը երեկ անցկացրել է Աղվանի, Վերին Խոտանան, Օխտար եւ Տանձավեր գյուղերի երեխաների համար:
Իսկ վաղը տոնական միջոցառումներ կլինեն Կապանի ծայրամասային Հալիձոր, Բաղաբերդ թաղամասերի երեխաների համար: Ընդհանուր առմամբ Սբ Զատիկի տոնին նվիրված` «Վորլդ Վիժն»-ի միջոցառումներին կներգրավվի 560 երեխա:
Комментариев нет:
Отправить комментарий